Ummæli við „MA68“

Ummæli við „Gestabók“ skrifar Stefán Ásgrímsson

Stefán Ásgrímsson — Thu, 19 Aug 2010 20:15:46 +0000

Skemmtilegt að fletta í MA68 vefnum.
Gleðilega menningarvöku um helgina.

Ummæli við „Gestabók“ skrifar StV.

StV. — Wed, 10 Jun 2009 15:22:22 +0000

Afréttari

Sælt veri fólkið.
Nú styttist í 41 árs afmælið okkar. Þá njótum við nokkur þeirra forréttinda af fá “afréttara” eftir stórhátíðina í fyrra. Hér á ég auðvitað við þau sem eiga maka í MA69-hópnum. Þori ekki að telja okkur upp, ég væri vís til að gleyma einhverjum!! En ég hlakka til, þetta er fínasta dagskrá hjá Helgu minni og félögum.
Góða þjóðhátíð!
Stebbi Vill

Ummæli við „Nýtt ár“ skrifar StV.

StV. — Mon, 23 Feb 2009 14:06:06 +0000

Spurt er!, nafni. Mér detta engir líklegri í hug!!

Ummæli við „Nýtt ár“ skrifar Stefán Ásgrímsson

Stefán Ásgrímsson — Wed, 11 Feb 2009 17:02:44 +0000

Það yrði slæmt fyrir þjóðina ef þessi ágæti vefur týndist með öllu.
Jú, það hafa mikil tíðindi orðið í þjóðlífinu. Hinn harði kjarni MB-bekkjarins hittist að venju í desember sl. og gjörðust sumir þar ölir nokkuð. En MB-menn tapa nú aldrei glórunni alveg og að sjálfsögðu komust þeir að niðurstöðu um björgunaraðgerðir. Bekkurinn hefur á að skipa miklu mannvali sem treystir sér til að koma landinu á réttan kjöl á ný með því að mynda í hvelli untaþingsstjórn. Þórður Ólafsson er kjörinn forsætis- og fjármálaráðherra,Ingvar utanríkis- og viðskipta-, Sverrir Páll mennta- og félagsmála-. Það er svosem óþarfi að vera að negla þetta niður hér og nú, en mannskapurinn skiptir með sér verkum eins og best hentar hverju sinni. . Er þetta ekki málið? Hverjir eru aðrir í sjónmáli sem eru hæfari en við til að redda öllu helvítis klúðrinu?

Ummæli við „Hægt að skrifa í gestabók“ skrifar Raggi bróðir Svenna

Raggi bróðir Svenna — Wed, 28 Jan 2009 10:24:26 +0000

Grettir, manstu eftir því þegar þú komst með Svenna bróður á
Krókinn, þið komuð með skipi vegna ófærðar. Þá ortir þú:

Skólaus ég á Skagakrók
með skipi kom um sollin ver.
Ég fyllti pípu og fékk mér smók
og fannst ég eiga heima hér.

Raggi Svennabróðir (ég var 10 ára þá og man þetta vel)

Ummæli við „Gestabók“ skrifar svpall

svpall — Sun, 10 Aug 2008 22:31:51 +0000

Fínar myndir, Stefán, góð viðbót við það sem þarna var. Vildi að ég væri svona virkur

Ummæli við „Gestabók“ skrifar stefas

stefas — Tue, 29 Jul 2008 17:46:51 +0000

Takk fyrir skemmtilega endurfundi í vor. Setti fáeinar myndir í myndasafnið. Þær er að finna í albúmi sem heitir Akureyri 2008.

Með bestu kveðjum

-SÁ

Ummæli við „Hægt að skrifa í gestabók“ skrifar Grettir Engilbertsson

Grettir Engilbertsson — Mon, 07 Jul 2008 09:25:29 +0000

Kveðjur frá Uppsölum.

Ummæli við „Gestabók“ skrifar aldam

aldam — Wed, 25 Jun 2008 13:21:46 +0000

Kærar þakkir fyrir samveruna öllusömul. Þetta var allt saman frábært og norðanmenn eiga allan heiður skilinn fyrir framkvæmdina. Í huga minum standa nokkrir atburðir þó upp úr. Fyrst var það Hraunsvatnsgangan sakir veðurblíðu, spjalls, ljóðalesturs og ævintýra sérsveitarinnar. Síðan var það ferðin að Hólum, vegna þess hve vel okkar ágætu Jón og Margrét tóku á móti okkur og staðurinn birtist sem í nýju ljósi. Loks voru það skólaslitin sem mér fundust virðuleg en afslöppuð athöfn, flottar ræður (Stebbi bestur) og meistari sem þekkti nemendur, en hápunkturinn þar þó söngur Guðrúnar Tómasdóttur, 60 ára stúdents. Við stúlkurnar úr SA náðum saman eftir 40 ára aðskilnað sem var frábært. Til athugunar næst eftir 5 ár er etv. að gera ráð fyrir meira spjalli í rólegheitum eða á göngu – en þess saknaði ég helst í glaumnum og sitjandi borðhaldi.
Með sumarkveðju
Alda

Ummæli við „Gestabók“ skrifar svpall

svpall — Tue, 24 Jun 2008 18:37:49 +0000

Þetta er gestabók, sem Guðjón hefur sett hérna inn. Ég er að prófa hvernig hún virkar. Mér skilst að hér sé ekki birt havðs em er því svona bækur fyllast oft af rusli. Sjáum til. Þetta er þá ekki verra en svo að við ritstjórarnir samþykkjum birtingu eða höfnum.